Nagpaalala ang Department of Transportation o DOTr sa mga motorista na asahan na pagbigat ng trapiko sa bahagi ng Quirino Highway sa Quezon City simula ngayong araw.
Ito ay dahil sa pagsisimula ng kontruksyon ng istasyon ng MRT-7 sa Quirino Highway.
Kasabay nito, pinayuhan ng DOTr ang mga motorista na dumaan na lamang sa mga alternatibong ruta para makaiwas sa mabigat na trapiko.
Ayon sa DOTr, maaaring dumaan sa Sampaguita Road, Malaria Road at Malanting Road hanggang Maligaya Road ang mga magtutungo sa Quezon Memorial Circle mula Caloocan o San Jose del Monte Bulacan.
Habang maaari namang dumaas sa Regalado Highway at Mindanao Avenue hanggang Ascencion ang mga magtutungong Caloocan o San Jose del Monte mula Quezon Memorial Circle.
—-
