Pangungunahan ng common law wife ni Pangulong Rodrigo Duterte na si Honeylet Avanceña ang pag-tour sa mga asawa ng world leaders na dadalo sa ASEAN Summit.
Ayon sa ulat, ipapasyal ni Avanceña ang asawa ng mga world leaders sa CCP o Cultural Center of the Philippines sa November 13.
Sa naturang tour ibibida ng National Commission for Culture and the Arts ang mga artifacts, imahe at text na nagtatampok sa mayamang kasaysayan ng mga tao sa Timog Silangang Asya sa mga nakalipas na taon.
Samantala, isang spouses luncheon din ang isasagawa sa Manila Hotel kung saan hahainan ang mga bisita ng four course Filipino na ihahanda ng executive chef na si Konrad Walter.
—-
