Magkahalong tuwa at pagkabigla ang naramdaman ni Special Assistant to President Christopher Bong Go matapos na makakuha ng atensyon mula sa mga netizens ang mga kanyang mga larawan kasama ang mga world leaders sa katatapos na 31st ASEAN Summit sa bansa.
Ayon kay go, hindi niya inaasahang ang kanyang mga selfie photos ay makatatanggap ng iba’t ibang reaksyon at mabigyan ng pansin ng mga netizens.
Giit ni Go, ang mga larawang kanyang kinunan ay para lamang maging remembrance o ala-ala para sa oportunidad na makasama ang ilan sa kanyang hinahangaang mga tao.
Una rito, ay ginawan si Go ng isang profile picture frame sa social networking site na Facebook kung saan makikita ang itsura ng opisyal na tila nakikipag-selfie.
