Nagkasagupaan ang militar at New People’s Army sa Nasugbu, Batangas.
Ayon kay brig. Gen. Arnulfo Marcelo Burgos Junior, commander ng 202nd infantry brigade, naganap ang engkwentro sa barangay Utod at Bunducan matapos madiskubre ng mga sundalo ang kampo ng mga rebelde.
Wala anyang nasugatan o nasawi sa militar habang nagtamo ng matinding casualties sa panig ng kalaban subalit hindi pa mabatid kung ilan.
Narekober naman sa kampo ang isang “sketch” na naglalaman ng umano’y planong pananabotahe sa Association of Southeast Asian Nations Leaders’ Summit na ginanap sa Metro Manila, noong isang linggo.
