Niyanig ng magnitude 5 na lindol ang bayan ng Caraga sa Davao Oriental.
Ayon sa PHIVOLCS, naganap ang pagyanig kaninang 9:16 ng umaga mula sa apatnapu’t anim (46) na kilometro sa timog ng Caraga.
Naitala ang intensity 3 sa Bislig City sa Surigao del Sur dahil sa nasabing pagyanig.
May lalim na dalawampu’t tatlong (23) kilometro ang lindol at tectonic ang origin.
Nagbabala naman ang PHIVOLCS sa mga residente malapit sa pinangyarihan ng pagyanig na manatiling maging alerto dahil maaaring magdulot ng “aftershocks” ang lindol.
