Opisyal ng tinanggal ng Kamara si dating Kabayan Partylist Rep. Herminio “harry” Roque Junior bilang isa sa mga miyembro ng mababang kapulungan ng Kongreso matapos siyang italaga bilang Presidential Spokesman.
Mismong si House Majority Floor Leader Rodolfo Fariñas ang naghain ng mosyon upang alisin na si Roque sa roll of members.
Agad namang inaprubahan ni Deputy Speaker Eric Singson na nag-preside ng sesyon ang mosyon ng Kongresista mula Ilocos Norte makaraang walang tumutol na kapwa mambabatas.
Magugunitang ini-appoint si Roque ni Pangulong Rodrigo Duterte noong Nobyembre a-sais bilang kanyang tagapagsalita kapalit ni Ernesto Abella na itinalaga naman bilang undersecretary ng Department of Foreign Affairs.
