Sugatan ang apat na pulis matapos atakehin ng mga miyembro ng NPA ang Municipal Police Station ng Binuangan sa Misamis Oriental kaninang umaga.
Ayon kay PNP Region 10 Spokesperson Supt Lemuel Gonda, minor injuries dulot ng shrapnel ang tinamo ng mga sugatang pulis.
Nagsimula anya ang pag atake pasado alas 3:00 ng umaga na tumagal ng 20 minuto.
Hindi naman tiyak kung may casualties sa panig ng mga kalaban.
Dahil dito, pinalakas pa ng PNP region 10 ang kanilang target hardening security measure upang hindi na maulit ang ginawang pag atake ng NPA sa istayon ng pulisya.
