Asahan ngayong buwan ang pagbaba ng singil sa kuryente ng MERALCO
Ayon kay Joe Zaldarriaga, tagapagsalita ng MERALCO, ito ay dulot ng paglakas ng Piso laban sa Dolyar at pati na rin ng mas mababang singil sa generation charge.
Dahil dito nasa 38 sentimo ang magiging tapyas sa kada kilo watt per hour.
Ang mga konsyumer na kumokonsuma ng 200 kilowatt per hour ay may diskwentong 76 na Piso habang ang mga nakakagamit naman ng 300 kilowatt per hour kada buwan ay mababawasan ng 114 na Piso.
May 152 Pisong tapyas para sa mga komukonsumo ng 400 kilowatt per hour.
