Nasabat ng Bureau of Customs o BOC ang saku-sakong ipinuslit na bigas sa pitumpu’t isang (71) shipping containers sa port sa Cebu City.
Ayon kay Commissioner Isidro Lapeña, tinatayang nagkakahalaga ng 83.3 million pesos ang naturang mga bigas na mula sa China.
Nakatanggap umano sila ng ulat kaugnay sa misdeclared na laman ng isang container sa naturang port kung saan nakasaad sa mga dokumento na tiles ang laman nito ngunit sa x-ray ay nakitang may bigas ito na hindi kabilang sa naturang dokumento.
—-
