Ligtas ang mga Pinoy sa nangyaring pagsabog sa subway sa New York.
Ayon sa Philippine Consulate Office sa New York, wala silang natatanggap na ulat na may mga Pinoy na apektado ng pagsabog sa subway attack sa Time Square.
Gayunman, hinikayat ng konsulada ang Filipino-American community sa New York na tumawag sa kanilang hotline na 0917-294-0196 para iulat kung may mga naapektuhang Pinoy sa naturang pag-atake.,
Maliban dito, pinapayuhan din ang mga Pinoy na iwasan muna ang lugar hanggat isinasagawa pa clearing ng mga awtoridad.
Sugatan ang lima katao sa nangyaring pagsabog sa subway sa New York City.
Ayon sa ulat, kabilang sa mga nasugatan ang mismong suspek na si Akayed Ullah, 27-anyos at isang Bangladeshi immigrant nang pasabugin nito ang suot na low-tech explosive device.
Hawak na ng mga awtoridad ang sugatang suspek habang pansamantala namang ipinasara sa publiko ang Port Authority Bus Terminal.
Ang naturang terminal ang pinakamalaki at abalang bus terminal sa buong mundo na pinupuntahan sa mahigit 65 milyong tao kada taon.
—-
