Itinanggi ni Pangulong Rodrigo Duterte na may kumpas niya ang pagkakasibak sa pwesto ni Philippine Navy Chief Vice Admiral Ronald Joseph Mercado.
Sa pagbisita ni Pangulong Duterte sa burol ng nasawing pulis na si PO3 Wilfredo Gueta, sinabi nito na kanyang itatanong pa ang dahilan ng pagtanggal kay Mercado.
Iginiit din ni Duterte na hindi siya nakikialam sa mga usaping panloob ng Armed Forces of the Philippines o AFP at ng Philippine National Police o PNP.
Magugunitang inihayag ni AFP Spokesperson Colonel Edgard Arevalo na iniutos ng mga matataas na opisyal ang pagsibak kay Mercado bagama’t hindi pa binanggit ang dahilan nito.
—-
