Itinakda na sa Abril ng susunod na taon ang susunod na laban ni fighting Senator Manny Pacquiao.
Ayon sa adviser ni Pacquiao na si Michael Koncz, nagkausap na sina Pacquiao at Top Rank CEO Bob Arum at napagkasunduan ng dalawa na gawin ang laban ng pambansang kamao sa Abril.
Gayunman, hindi pa batid ang tiyak na petsa at hahanapan pa ng kalaban si Pacquiao.
Matatandaang naunsyami ang dapat sana’y rematch nina Pacquiao at Australian boxer Jeff Horn nitong Nobyembre dahil sa pagiging abala ng senador sa tungkulin nito bilang mambabatas.
—-
