Tumaas ang bilang ng mga Pilipinong naniniwalang magiging masaya ang kanilang Pasko ngayong taon.
Batay ito sa resulta ng fourth quarter survey ng SWS o Social Weather Stations kung saan 77 porsyento o tatlo sa apat na Filipino adults ang umaasang masaya ang kanilang Pasko ngayong taon.
Ayon sa SWS, ang nasabing bilang ang pinakamataas na kanilang naitala sa loob ng 14 na taon.
Nasa 18 porsyento naman ang nagsabing maaaring masaya o malungkot ang kanilang Pasko habang limang porsyento ang naniniwalang magiging malungkot ito.
Ang nasabing survey ay isinagawa mula December 8 hanggang 16 ng kasalukuyang taon.