Pansamantalang sinuspinde ng mga awtoridad ang retrieval operation sa isa pang nawawalang biktima sa nasunog na mall sa Davao City.
Ayon sa Bureau of Fire Protection, ito ay dahil sa delikado para sa mga retrieval operation team ang kalagayan ngayon ng NCCC mall.
Kasalukuyan pang ina-assess ng fire inspectors kung ligtas ba para sa mga awtoridad ang pagpasok sa naturang nasunog na establisimyento na mahigit dalawampu’t apat na oras ding tinupok ng apoy.
Kasalukuyang tatlumpu’t pito mula sa tatlumpu’t walong biktima pa lamang ng sunog ang narerekober ng mga awtoridad.
