‘Dream come true’ para sa Chinita Princess na si Kim Chiu na makadaupang palad ang mga nais makita ng mga bata tuwing Pasko na si Santa Claus.
Sa isang post na ibinahagi ni Kim sa social media, makikitang abot langit ang tuwa nito nang makamayan si Santa.
Nagkaroon din ng pagkakataon ang aktres na magpakuha ng larawan kasama si Santa.
Ayon sa caption ni Kim, dumaan muna sila sa napakahabang pila bago nila nakita si Santa.
Mapapanood din sa video na nagsalita si Santa ng tagalog na ikinagulat ng aktres.
Ang naturang pagbisita ni Kim sa hilagang bahagi ng mundo ay bahagi ng kanyang bakasyon ngayong Holiday Season, kung saan nagkaroon din siya ng pagkakataon na masaksihan ang Northern Lights.
Samantala, nakasama din ni Kim sa kanyang bakasyon ang Kapamilya star na nali-link sa kanya na si Xian Lim.
