Bineberipika na ng National Disaster Risk Reduction and Management Council o NDRRMC ang dalawang napaulat na biktima umano ng pananalasa ng bagyong Agaton.
Ito’y makaraang iulat ng pamahalaang panlalawigan ng Cebu na may isang nasawi bunsod ng landslide habang isa naman ang naaksidente habang lumilikas.
Una nang kinilala ng Cebu PDRRMO o Provincial Disaster Risk Reduction and Management Office ang landslide victim na si Flora Matas, 64-anyos at mula sa Barangay Looc sa bayan ng Malabuyoc.
Kasunod nito, tinututukan din ng mga awtoridad ang bayan ng Boljoon bunsod ng pagbaha sa lugar bagama’t ilang mga residente sa lalawigan na nagsilikas naman ang bumalik na sa kanilang mga tahanan.
—-
