Kinontra ni Senate Blue Ribbon Committee Chairman Senator Richard Gordon ang akusasyon ni dating Customs Chief Nicanor Faeldon na malupit at hindi makatao ang parusa sa kanya.
Matatandaang nakakulong ngayon sa Senado si Faeldon matapos na ma- contempt dahil sa patuloy sa pagmamatigas nito na huwag humarap sa pagdinig ng komite.
Ayon kay Gordon, pinapayagan na madalaw si Faeldon ng kanyang pamilya sa kulungan nito.
Hindi rin aniya magagawa ng Senado ang palutang ni Faeldon na tatanggalin ng kuryente at tubig ang kanyang selda.
Aniya, hindi lamang pinahintulutan si Faeldon sa hirit nitong pagtungo sa Office of the Civil Defense o OCD at pagdalo sa traslacion ng Itim na Nazareno para na rin sa kaligtasan nito.
—-
