Opisyal nang umupo bilang Vice Mayor ng Davao City si 3rd District Councilor Bernard Al-ag kapalit ng nagbitiw sa puwesto na si Paolo ‘Pulong’ Duterte.
Isinagawa ang oath-taking ceremony ni Al-ag sa pangunguna ni Mayor Sara Duterte, nitong Miyerkules, Enero 10.
Disyembre 25 nang magbitiw sa puwesto ang Presidential Son.
Sa kanyang pahayag, sinabi ng batang Duterte na nagbibitiw siya sa ngalan ng ‘delicadeza’.
Kabilang aniya dito ang pagkakadawit niya sa paglusot ng higit P6-B shabu shipment mula sa China.
Ngunit noon lamang Biyernes, Enero 5 tinanggap ng kanyang amang si Pangulong Rodrigo Duterte ang kanyang resignation.
