Welcome kay Senador Leila De Lima ang naging desisyon ni Muntinlupa City Regional Trial Court Judge Juanita Guerrero na mag – inhibit sa kanyang kaso na may kinalaman sa illegal na droga.
Giit ni De Lima , hindi ikinatuwa ng kanyang kampo ang naging desisyon ng hukom ngunit nagpapakita lamang aniya ito ng pag- asa para maigawad ng tama ang hustisya na kanyang ipinaglalaban.
Matatandaang si Guerrero ang nag-utos na ipaaresto si De Lima noong nakaraang taon ngunit pinalagan ito ng akusadong Senador dahil may pinapaboran umano ito.
Kasalukuyang nakakulong ngayon si De Lima sa PNP Custodial Centre matapos itong masangkot sa kalakalan ng illegal na droga sa New Bilibid Prison.
