Nakahanda si Pangulong Rodrigo Duterte na sibakin sa tungkulin si Special Assistant to the President (SAP) Christopher ‘Bong’ Go.
Ito ay kung mapatutunayang nakialam si Go sa proyekto ng pamahalaan sa pagbili ng mga barkong pandigma na nagkakahalaga ng 15.5 milyong piso.
Ayon kay Pangulong Duterte, imposibleng nangyari ang inaakusa kay Go lalo’t wala namang kaugnayan sa Department of National Defense (DND) ang trabaho nito.
Iginiit pa ng Pangulo na nakatitiyak siyang hindi din papayag si National Defense Secretary Delfin Lorenzana na masuhulan para makialam ang isang personalidad na walang kinalaman sa kagawaran.
Kasabay nito, hinamon ni Pangulong Duterte ang mga nag-aakusa na agad magpalabas ng ebidensiya.
