Umabot na sa mahigit 38,000 residente ang inilikas mula sa paanan ng bulkang Mayon.
Nagmula ang mga inilikas na residente sa 39 na barangay ng tatlong lunsod at limang munisipalidad na nasa paligid ng bulkan.
Samantala, nananatili umanong problema sa mga evacuation centers ang malinis na tubig.
Dahil dito, napag-alamang napipilitan ang ilan na magbalik muna sa kanilang tahanan upang doon kumuha ng malinis na tubig.
Partikular na tinukoy ang Camalig North Central School kung saan naroon ang tinatayang 3,000 evacuees at Guinobatan East Central School kung saan naroon naman ang 1,700 evacuees.
Photo Credit: PHIVOLCS
