Nagpasalamat si Senate Minority Floor Leader Franklin Drilon kay Pangulong Rodrigo Duterte.
Ito ay makaraang ihayag ni Pangulong Duterte sa kanyang departure speech nitong Miyerkules, Enero 24, na nirerespeto at ikinukunsidera niyang kaibigan si Drilon.
Nilinaw ni Drilon na kung mayroon man siyang tinututulan sa Pangulo ay sa isyu lamang ng mga polisiya at hindi inaatake sa personal na lebel.
Itinanggi din ng senador na may impluwensya ang Pangulo upang magsampa ng kaso laban sa kanya kaugnay sa isiniwalat ng umano’y Pork Barrel Fund Scam Queen Janet Napoles na tumanggap siya ng anim (6) na milyong piso mula dito, noong 2010 Elections.
