Labindalawang (12) sundalo ang patay habang labing-anim (16) na iba pa ang sugatan sa panibagong pag-atake ng mga terorista sa Kabul, Afghanistan.
Naganap ang insidente ilang araw matapos ang suicide bombing na ikinasawi ng mahigit isandaang (100) katao, noong weekend.
Ayon sa Afghan Ministry of Defence, sinalakay ng mga terorista ang Marshal Fahim National Defense University gamit ang mga rocket-propelled grenade at automatic rifle.
Inako na ng grupong Islamic State ang panibagong pag-atake sa Kabul.
Gayunman, hindi pa mabatid ng mga awtoridad kung nagsanib-pwersa na ang ISIS at Taliban upang maghasik muli ng kaguluhan sa bansa.
—-
