Masaya si dating Customs Chief Nicanor Faeldon sa bago niyang kulungan.
Ito ay matapos siyang ilipat sa Pasay City Jail mula sa pagkakadetine nito sa Senado.
Ayon kay Bureau of Jail Management and Penology o BJMP Spokesperson Senior Inspector Xavier Solda, mas masaya aniya si Faeldon sa Pasay City Jail kaysa nung nasa Senado ito.
Marahil ito aniya ay dahil marami siyang nakakahalubilo kumpara sa Senado na mag-isa na lamang ito tuwing aalis ang mga bisita.
Sinabi ni Solda na kasama sa selda ni Faeldon ang nasa isandaan at walong (108) inmates.
Kasabay nito, tiniyak ni Solda na hindi nila bibigyan ng special treatment si Faeldon ngunit handa aniya silang mag-adjust para magampanan pa rin nito ang trabaho bilang Deputy Administrator ng Office of Civil Defense.
—-
