Nagpahiwatig ang Divine Diva na si Zsa Zsa Padilla na nalalapit na ang kanyang pagpapakasal sa nobyong si Conrad Onglao.
Sinabi ni Zsa Zsa na inaayos na lamang niya sa kaniyang panig at umaasa ito na matutuloy ang kasal ngayong taon.
Hindi naman binanggit ng singer ang mga bagay na inaayos niya.
Dagdag pa niya, napagkasunduan nila ng arkitektong nobyo na gawing simple lamang ang kanilang pag-iisang dibdib.
Matatandaang nagkahiwalay ang dalawa noong 2016 subalit muling nagkabalikan noong 2017.
