Patay ang isang teroristang NPA, makaraang makasagupa ng pwersa ng militar sa Brgy Ud-Udiao bayan ng Sal-Lapadan sa Abra kaninang ala-7:30 ng umaga.
Ayon kay First lieutenant Catherine Hapin, Public Affairs Office Chief ng 7th Infantry Division, nakatanggap ang militar ng ulat ng umanoy pangingikil ng mga NPA sa mga residente ng Brgy Ud-Uduiao kaya agad nagpadala doon ng mga sundalo.
Pero sinalubong ang tropa ng mga bala mula sa sampung NPA sa lugar.
Tumagal ng halos kalahating oras ang putukan.
Narekober sa pinangyarihan ng bakbakan ang mga baril at isang radyo .
Wala namang nasugatang sibilyan at sundalo sa nangyaring engkwentro.
Posted by: Robert Eugenio
