Ilang araw bago ang Valentines Day inamin na ng aktres na si Angel Locsin ang estado ng relasyon nila ng movie producer na si Neil Arce.
Sa isang panayam kay Angel sa FDCP Film Ambassador Nights 2018, sinabi ng aktres na ngayong buwan ng Pebrero lamang naging promal ang relasyon nila ni Neil.
Ayon kay Angel, noon pa man ay very open siya sa kanyang nararamdaman kay Neil pero wala pa talagang label ang kanilang relasyon noon.
Aniya, sinabi niya kay Neil na nahihirapan na siyang ipaliwanag ang estado ng kanilang relasyon sa mga interviews kaya pormal na nilang nilagyan ng label ito ngayong buwan.
Dagdag ni Angel, sa kasalukuyan aniya ay ini-enjoy nila ang kanilang relasyon at hindi minamadali ang lahat.
Sina Angel at Neil ay pitong taon nang magkaibigan bago nila inamin ang namumuong pag-iibigan nito lamang Oktubre.
Posted by: Robert Eugenio
