Pahirapan ang pagrekober ng mga otoridad sa 71 pasaherong sakay nang bumagsak na eroplano ng Russian Airlines.
Ayon sa mga rescuer, dalawang pasahero pa lamang at isang flight recorder ang nakukuha nila mula nang tumakbo sila sa lugar para magsagawa ng operasyon. Kabilang sa mga problemang kinakaharap ng rescuers ang makapal na yelo sa lugar kung saan bumagsak ang nasabing eroplano o sa bayan ng Argunovo na malapit lamang sa Moscow.
Hindi pa binubura ng mga otoridad ang posibilidad na isang uri ng terorismo ang nangyari sa pagbagsak ng naturang eroplano.
Lumalabas sa paunang imbestigasyon na matapos ang halos limang minutong nag-take off sa Domodedovo airport sa Moscow ay bigla na lamang naglaho sa radar system ng paliparan ang naturang eroplano na patungo sana sa lungsod ng Orsk sa Ural Mountains.
