Dalawang lalaking sakay ng motorsiklo na nanutok ng baril at nang-agaw ng bag sa isang babae ang patay matapos makabarilan ng mga pulis na nakamotorsiklo rin sa Sta. Cruz, Maynila.
Batay sa CCTV Footage, tumigil ang mga salarin sa Escolta Street upang tutukan ng baril at kunin ang bag ng biktima.
Ayon kay MPD-Station 11 Commander, Supt. Amante Daro, nakipagbarilan ang mga hindi pa nakikilalang lalaki hanggang sa mapatay sa bahagi ng Mc Arthur Bridge.
Narekober sa mga salarin ang dalawang Caliber 38 revolver at ang bag na kanilang tinangay sa babae.
Inaalam na kung ang dalawang napatay ay sangkot sa mga insidente ng snatching at nakawan sa Santa Cruz at Binondo.
Posted by: Robert Eugenio
