Marami ang kinilig sa posibleng part 2 ng pag-iibigan nina Carlo Aquino at Angelica Panganiban.
Ito ay matapos magpadala ng bouquet of white roses si Carlo kay Angelica kahapon Valentine’s Day.
Sa kaniyang Instagram account, inilagay ni Angelica ang mga katagang: “Hinusayan, One Point ka sa Akin”, patungkol sa bulaklak na ipinadala sa kanya ni Carlo.
Lumabas ang message ni Angelica sa kanyang IG account matapos ang palitan nila ng funny messages ni Carlo hinggil sa tila pag-eemote ng aktor hinggil sa pagiging malungkot niya ngayong Valentine’s.
Sina Carlo at Angelica ay naging magkasintahan nang halos anim na taon at kapwa nagsabing nanatili silang magkaibigan matapos ang kanilang break-up.
Nabuhay ang friendship sa publiko nina Carlo at Angelica nang sabihin ng aktres na handa siyang makipag-date muli kay Carlo na nagpahayag naman ng posibilidad na magkabalikan sila ni Angelica.
Si Carlo ay una nang umaming kaka-break pa lang sa kanyang non-showbiz girlfriend samantalang si Angelica ay halos tatlong taon na ring single matapos makipagkalas kay John Lloyd Cruz.
—-
