Binansagan ni Presidential Spokesman Harry Roque si Senadora leila De Lima na “Mother of all Drug Lords”.
Ito’y kasabay ng pagbati ng Malakaniyang sa unang taong anibersaryo sa kulungan ni Senadora Leila de Lima matapos masangkot sa iligal na droga.
Ayon kay Roque, ang pagkakakulong ni De Lima ay isang patunay na buhay, epektibo at gumagana ang criminal justice system sa bansa.
Giit pa ng tagapagsalita, marapat lamang sa kaniya na tawaging ina ng lahat ng drug lords dahil sa pinahintulutan nitong mamapayagpag ang iligal na droga sa loob ng New Bilibid Prisons sa Muntinlupa City noong ito pa ang kalihim ng Department of Justice.
Tiniyak naman ni Roque na hindi maiimpluwensiyahan ang anumang kalalabasan at dumadaan sa legal na proseso ang kaso ni De Lima na ngayon ay nasa Korte na.
Una ritong naghain ng resolusyon ang mga kaalyadong mambabatas ni De Lima sa Senado at hinihiling na palayain na ito mula sa pagkaka kulong sa Camp Crame.
Posted by: Robert Eugenio
