Muling magsasama sina Pangulong Rodrigo Duterte at Vice President Leni Robredo sa iisang entablado sa kanilang pagdalo sa graduation ceremony ng Philippine Military Academy sa Baguio City, ngayong araw.
Ito ang unang pagkikita ng Pangulo at Pangalawang Pangulo ngayong taon na isang pambihirang pagkakataon makaraang sibakin si Robredo sa gabinete noong 2016.
Igagawad ni Pangulong Duterte ang Presidential Saber sa PMA Alab Tala Class of 2018 valedictorian na si Cadet First Class Jaywardene Galilea Hontoria na tubong-Iloilo.
Ipagkakaloob naman ni Robredo ang Vice Presidential Saber kay Class Salutatorian Cadet First Class Ricardo Witawit Liwaden.
Kabuuang 282 kadete ang magtatapos sa PMA ngayong taon.
