Lumayas na ng United Kingdom ang 23 Russian diplomats.
Isang linggo ito matapos bigyan ng ultimatum ni British Prime Minister Theresa May ang Russia para i-pull out ang kanilang diplomatic staff.
Naging emosyonal ang paligid ng Russian Embassy matapos puntahan ng ilang naging kaibigan nila ang Russian diplomats bago sila nagtungo sa Stansted Airport para makabalik na ng Moscow kasama ang kani-kanilang mga pamilya.
Ayon kay Russian Ambassador to the UK Alexander Yakovenko, nalulungkot sila sa naturang desisyon ng British government na anila’y malinaw na paglabag sa international law.
Magugunitang nag-ugat ang usapin sa pagtanggi ng opisyal ng Russia na linawin ang report sa tangkang pagpatay sa dating spy at anak nito gamit ang isang nerve agent.
—-
