Hinimok ni Pangulong Rodrigo Duterte ang mga mananampalatayang pilipino lalo ang mga kristyano na magbalik-loob sa panginoon ngayong mahal na araw.
Ito ang mensahe ni Pangulong Duterte ngayong domingo de ramos o linggo ng palaspas na hudyat ng pagsisimula ng semana santa.
Ayon sa punong ehekutibo, dapat gamiting oportunidad ng mga kristyano ang mahal na araw upang ilaan sa pananalangin at bigyang pagkilala ang mga tradisyon bilang mga relihiyosong taon.
Pina-alalahanan din ni Pangulong Duterte ang mga pinoy na tulungan ang mga nangangailangan o naaapi sa pamamagitan ng pagkakawang-gawa.
