Walang epekto sa imahe ng International Criminal Court o ICC ang pagkalas ng Pilipinas.
Binigyang diin ito ni ICC spokesman Fadi El Abaddah na nagsabing wala ring impact sa mga kasong hinahawakan ng korte lalo na sa preliminary examination sa inihaing kasong crime against humanity laban sa Pangulong Rodrigo Duterte ang pagkalas ng Pilipinas.
Sinabi ni Fadi na anumang political statement ay hindi makakaapekto sa imahe ng ICC dahil mahalagang makita ng mga tao na ang pagbibigay ng hustisya ay nababatay sa rule of law.
Mayroon aniya silang mandato na maging impartial at gawin ang trabaho ng walang political consideration.
Muling inihayag ni Fadi na nakakapanghinayang ang pagkalas ng Pilipinas bilang state party, malinaw namang nakasaad sa Rome Statute na siyang bumuo sa ICC na sovereign decision ng isang state party kung aalis ang mga ito.
—-