Sugatan ang lima (5) katao, makaraang sumalpok ang isang van sa isang nakaparadang jeep sa kahabaan ng España Boulevard sa Sampaloc, Maynila.
Kabilang sa mga nasugatan ang driver ng van, driver ng jeep at tatlong pasahero nito.
Nahirapan ang mga rescuer na mailabas sa loob ng sasakyan ang jeepney driver na kinilalang si Vicente Baluyan na hindi na maigalaw ang mga paa.
Sa lakas ng pagsalpok, nabasag ang windshield ng van habang sumampa naman sa plantbox ang jeep.
Ayon inisyal na imbestigasyon, hindi napansin ng driver ng van na si Alberto Dayuda ang nakaparadang jeep kaya’t sumalpok ito.
—-
