Patutunayan ng panibagong kasong isinampa ni Atty. Levi Baligod ang sabwatan ng ilang matataas na opisyal ng COA at mga mambabatas na naglagak ng pondo sa mga pekeng Non-Government Organization (NGO).
Binigyang diin ni Baligod na handa ang kanilang mga testigo para patunayan ang pagbibigay ng pabor sa mga opisyal na ito.
Sinabi ni Baligod na kapalit ng kotse, biyahe sa ibang bansa, mga gadget o ibang pabor ay binibigyan ng ilang tiwaling COA official ng clearance ang maanomalyang paglalaan ng pondo ng ilang mambabatas.
Kasama aniya sa mga pina-iimbestigahan nila ay ang paglabag ng mga implementing agency at NGO sa proseso nang paggawad ng pork barrel.
By Judith Larino