Nahalal si dating Pangulo at ngayo’y Pampanga Representative Gloria Macapagal – Arroyo bilang board of directors sa BFA o Boao Forum for Asia.
Ayon kay Arroyo, maligaya syang maging kabahagi ng BFA lalo sa ganitong panahon na maayos ang relasyon sa pagitan ng Pilipinas at China.
Aniya, malaki ang magiging papel ng BFA at ang liderato ng China sa naturang forum sa usapin ng world economic affairs ngayong inaasahan ang naturang bansa ang siyang magiging pinakamalaking ekonomiya sa mundo.
Bukod kay Arroyo, matatandaang dumalo si Pangulong Rodrigo Duterte sa naturang forum kung saan nagkaroon sila ng pagkakataon na makapag-usap ni Chinese President Xi Jinping ukol sa ilang mahalagang isyu.
—-
