Ibinasura ng PET o Presidential Electoral Tribunal ang inihaing mosyon ng kampo ni Vice President Leni Robredo para ikonsidera ng PET na valid vote ang mga balota na mayroong 25 percent shade.
Ito’y ayon sa kampo ni Robredo ay batay na rin sa treshold percentage na ipinatupad ng COMELEC sa 2018 Revisors Guide, Random Manual Audit Visual Guidelines at Random Manual Audit Report.
Pero ayon sa PET, hindi tama ang argumento ng bise presidente lalo’t wala namang batayan para ipatupad ang 25 percent treshold sa pagtukoy ng valid vote.
Hindi rin maaaring ituring ng COMELEC ang random manual audit guidelines and report bilang katibayan ng 25 percent treshold at walang resolusyon ang COMELEC na nagtatakda rito.
(with report from Bert Mozo)
