Patay ang dalawang (2) bata matapos saksakin ng sariling ama sa New Lower Bicutan sa Taguig City kaninang umaga.
Ayon kay Southern Police District Director Chief Superintendent Thomas Apolinario, labing tatlo at anim na taong gulang ang magkapatid na biktima.
Napatay naman ng mga rumespondeng pulis ang suspek na kinilalang si Ariston Nacion matapos manlaban.
Batay sa inisyal na imbestigasyon selos ang motibo ng krimen at hinihinala ring lulong sa iligal na droga ang suspek.
Nagtatrabaho naman sa ibang bansa ang ina ng mga biktima at misis ng suspek.
(Ulat ni Jonathan Andal)
