Binalaan ng Russia ang Amerika kasunod ng inilunsad nitong airstrike kasama ang mga kaalyado nitong bansa laban sa Syria.
Sa ipinalabas na pahayag ni Russian Ambassador to the USA Anatoly Antonov, kanilang ikinababahala at itinuturing na banta at pang-iinsulto kay President Vladimir Putin ang nasabing aksyon ng Estados Unidos.
Ibinabala din ni Antonov ang posibleng resulta at paghihiganti sa naging hakbang ng Estados Unidos at mga kaalyado nito.
Iginiit pa ni Antonov, bilang isang bansa na nagmamay-ari ng pinakamalaking imbakan ng chemical weapon, wala aniyang karapatan ang Estados Unidos na pagbintangan ang ibang bansa sa gas attack.
—-
