Bahagyang bumaba ang trust rating ni Pangulong Rodrigo Duterte batay sa pinaka-huling survey ng social weather stations.
Sa March 23 hanggang 27 survey sa 1200 respondents, bumaba sa “very good” o 76 percent ang nagtitiwala kay Pangulong Duterte kumpara sa “excellent” o 83 percent trust rating noong Disyembre.
Gayunman, bahagyang tumaas sa 10 percent ang mayroong maliit na tiwala sa Pangulo kumpara sa 7 percent noong December.
Samantala, inihayag naman ni Presidential Spokesman Harry Roque na bagaman bahagyang bumaba ang bilang ng mga nagtitiwala kay Pangulong Duterte, nananatiling mataas ang kumpiyansa ng publiko sa punong ehekutibo.
