Pinakikilos na ni Pangulong Rodrigo Duterte sina Secretary Alan Peter Cayetano at Labor Secretary Silvestre Bello III para sa mga Overseas Filipino Workers sa Kuwait na nais nang umuwi ng Pilipinas.
Una rito, nagkaroon ng gusot ang relasyon ng dalawang nasabing bansa matapos na magsagawa ng rescue operation ang mga tauhan ng embahada ng Pilipinas sa mga distressed OFW sa Kuwait.
Ayon kay Pangulong Duterte, walang dapat sayangin na panahon ang pamahalaan dahil tiyak na mahirap ang kinahaharap na sitwasyon ngayon ng mga OFW na naiipit sigalot ng dalawang bansa.
Sinabi ng Pangulo na nakahanda siyang gamitin ang lahat ng resources maging ang “emergency fund” mapauwi lamang ang mga Pinoy na nasa Kuwait.
