Arestado sa ikinasang joint entrapment operation ng Counter Intelligence Task Force at Intelligence Group ng Philippine National Police ang dalawang airport police matapos na mahuling nangongotong sa mga taxi driver sa Ninoy Aquino International Airport o NAIA Terminal 2.
Nakilala ang mga suspek na sina PO1 Pablo Atayde Jr. at PO1 Danilo Levite Jr.
Inaresto ang dalawa makaraang tumanggap ng “marked money” mula sa mga tauhan ng CITF na nagpanggap bilang driver ng taxi.
Ayon sa mga awtoridad, agad silang nagkasa ng operasyon matapos na makatanggap ng “text message” kaugnay sa illegal na gawain ng dalawang pulis.
Sa ngayon ay dinala na sa Kampo Crame sina Atayde at Levite para sumailalim sa iba pang proseso.
—-
