Plantsado na ang mga ilalatag na seguridad para sa Worldwide Walk to Fight Poverty ng Iglesia ni Cristo o INC bukas.
Ayon kay Manila Police District spokesperson Police Superintendent Erwin Margarejo, nasa mahigit tatlong libong pulis ang kanilang ipapakalat bukas sa naturang charity walk.
Kaugnay nito, pinaalalahanan ni Margarejo ang mga motorista na iwasan muna ang ilang kalsada sa Pasay at Maynila dahil sa mga ipasasarang daan upang bigyang daan ang naturang okasyon.
Batay sa tala, tinatayang nasa limanlibo hanggang isang milyon ang lalahok sa Worldwide Walk to Fight Poverty ng INC.
