Inaresto ng mga otoridad ang isang dayuhang hinihinalang pedophile sa Ninoy Aquino International Airport.
Nakatanggap ng ulat ang Philippine National Police Women and Children Protection Center na may isang Amerikanong na mula Incheon, South Korea ang magba byahe patungong Pilipinas para tagpuin ang kanyang mga target na biktimahin na mga kabataang nasa edad 16 hanggang 18.
Sa naging pagsusuri ng US Homeland Security, nakita na binabayaran ng suspek na si Antonio Bounad ang mga bata para maghubad at hawakan ang maseselang bahagi ng kanilang katawan.
Nagtungo umano ang suspek sa bansa para makipagtagpo ng personal sa kanyang mga ka chat na kabataan at magkaroon ng sexual relationship sa mga ito.
Nagpapasalamat ang PNP sa tulong ng kanilang counter part sa Amerika para mahuli at mapanagot ang dayuhang sangkot sa online sexual exploitation.
Nahaharap ang dayuhan sa kasong paglabag sa RA 9208 o Expanded Anti – Trafficking in Persons Act.
