Binabalangkas na ng Philippine National Police (PNP) ang mga susunding alituntunin kaugnay ng planong paglalagay ng mga stickers sa mga motorsiklo bilang pangontra sa riding in tandem.
Ayon kay PNP Chief Oscar Albayalde, isasailalim sa inspeksyon ang mga motorsiklo at oras na makapasa ang mga ito ay saka lalagyan ng sticker na hindi basta-basta natatanggal at nakokopya.
Dagdag ni Albayalde, ilalagay ang mga stickers sa bahagi ng motor na madaling makita.
Magkakaroon din aniya ng sariling mga stickers ang bawat mga lalawigan at lungsod sa buong bansa at sakaling may mangyaring krimen agad na masisita ang mga motor na wala nito.
Sa ngayon, wala pang eksaktong petsa kung kailangan ganap na maipatutupad ang nasabing plano ng pagdidikit ng sticker sa mga motor.
(Ulat ni Jonathan Andal)
