Nakatakdang lumiham si Olongapo City Mayor Rolen Paulino kay Justice Secretary Leila de Lima.
Ito’y upang hilingin ng kalihim sa US government na ibalik sa Pilipinas si Jonathan Ciocon Viane matapos makumpirma ang pagkaka-aresto nito sa Iowa sa Amerika.
Si Viane ang itinuturong suspek sa walang habas na pagpatay sa sales lady na si Aika Mojica na natagpuang sunog ang labi at may tama ng bala ng baril sa isang dike sa San Felipe, Zambales noong hulyo.
Magugunitang napatay si Mojica dahil sa pagsisiwalat nito sa misis ni Viane na nakabase sa Amerika hinggil sa mga umano’y kalokohan nito sa Pilipinas.
Kaugnay nito, humiling din si Mayor Paulino ng kopya ng mugshot ni Viane bilang katunayan na naaresto na nga ito ng US authorities.
By Jaymark Dagala
