Patay ang isang election officer matapos pagbabarilin ng mga hindi pa nakikilalang salarin sa Bauan, Batangas.
Kinilala ang biktimang si Noel Miralles na nakatalaga sa tanggapan ng Commission on Elections o Comelec sa Mabini, Batangas.
Batay sa inisyal na imbestigasyon ng Bauan Police, pasakay na sana ng tricycle ang biktima pauwi ng kanilang bahay ng bigla na lamang itong pagbabarilin ng mga nakamotosiklong salarin.
Matapos ng krimen agad namang tumakas ang mga salarin patungo sa bayan ng San Pascual.
Sinubukan pang isugod sa ospital ang biktima pero hindi na ito umabot pang buhay.
Patuloy naman iniimbestigahan ng pulisya ang motibo sa pagpaslang at inaalam ang pagkakakilanlan ng mga salarin.
—-
