One-on-one sa basketball court ang hamon ni Special Assistant to the President Christopher Bong Go kay Senador Antonio Trillanes.
Ito ang reaksyon ni Go makaraang tawaging drama at pakipot ni Trillanes ang mga gimmik umano nila ni Davao City Mayor Sara Duterte Carpio para tumakbo sa 2019 senatorial elections.
Ayon kay Go, hindi niya uurungan si Trillanes lalo na sa hard court para patunayang mali ang mga pinangangalandakang pahayag ng senador na tatakbo siya sa eleksyon.
Kasunod nito, pinayuhan ni go ang kaniyang mga taga-suporta na tigil na ang pagpapakalat ng mga posters na nag-uugnay sa pagtakbo niya sa Senado o sa kahit anumang posisyon sa pamahalaan.
